BERKONAN

rimbun meronti berbatang togap

pucuk tinggi merobah bersarang

udah ado kumbang yang hinggap

ditunggu lamo nanti dikobeh urang

 

segak sungguh pakaian panglimo

tersisip korih tersolek di pinggang

kalau dah ditunggu sekian lamo

adolah urang datang meminang

kayu cendano pohon garharu

ditakek urang berlokok lokak

eden bukan lagi si mahaguru

baru bertatih dari merangkak

ditukak takek beliung melantun

habih terluko di tangan kanan

cucundo mudo bijak berpantun

hati nendo tambah berkonan